Zəngilanda "Zəfər Yürüşü" turnirində triatlon yarışının qalibi bəlli olub

Zəngilan rayonunun Ağalı kəndində keçirilən “Zəfər yürüşü” turnirinin triatlon yarışının qalibləri bəlli olub.

"Report"un Zəngilana ezam olunmuş əməkdaşının məlumatına görə, yarışda birinci yeri Toğrul Məmmədli tutub.

O, üzgüçülük, velosiped və qaçış etaplarını bütün iştirakçılardan öndə bitirərək qalib adını qazanıb.

İkinci yerin sahibi Cəfər Məmmədov olub. Üçüncü yeri isə Cəlal Hüseynov tutub.

Qeyd edək ki, triatlon yarışında idmançılar 300 metr məsafəyə üzgüçülük, 10 km velosiped sürmə və 2 km qaçış etaplarında mübarizə aparırlar.