Rusiyanın paralimpiya çempionu cəzalandırılıb, nəticələri ləğv edilib

2014-cü ildə Soçidəki Qış Paralimpiya Oyunlarında çempion olan rusiyalı Nikolay Poluxin diskvalifikasiya edilib.

"Report" xəbər verir ki, bu barədə Beynəlxalq Paralimpiya Komitəsinin (IPC) mətbuat xidməti məlumat yayıb.

İdmançı antidopinq qaydalarını pozduğuna görə cəzalanıb. Onun 2014-cü ildə paralimpiadada əldə etdiyi bütün nəticələri ləğv olunub.

Qeyd edək ki, hazırda 42 yaşı olan Nikolay Poluxin 2014-cü ildəki paralimpiadada xizəklə qarışıq estafetdə qızıl, biatlonda isə iki gümüş medal qazanmışdı. O, 2010-cu ildəki Qış Paralimpiya Oyunlarında da qızıl, bürünc və dörd gümüş mükafat əldə etmişdi.