Putin ŞƏT-ə üzv ölkələr arasında idman yarışlarının təşkilini təklif edib

Rusiya Prezidenti Vladimir Putin Şanxay Əməkdaşlıq Təşkilatı (ŞƏT) nəzdində idman assosiasiyaları yaratmağı təklif edib.

"Report"un məlumatına görə, bu barədə dövlət başçısının özü açıqlama verib.

Putin bildirib ki, bu istiqamətdə əməkdaşlığı fəallaşdırmaq və ŞƏT-in təşkilatçılığı ilə böyük idman tədbirləri keçirmək üçün yaxşı imkanlar var.

Qeyd edək ki, təşkilata Rusiya, Hindistan, Qazaxıstan, Qırğızıstan, Çin, Pakistan, Tacikistan və Özbəkistan kimi ölkələr daxildir. Bu il müşahidəçi qismində Əfqanıstan, Belarus, İran və Monqolustan çıxış edir. Tərəfdaş ölkələr isə Azərbaycan, Ermənistan, Kamboca, Nepal, Türkiyə və Şri-Lankadır.