Dünya çempionu olan Azərbaycan şahmatçısı Vətənə qayıdıb

İtaliyada 18 yaşadək şahmatçılar arasında keçirilən dünya çempionatında qalib olan Azərbaycan idmançısı Ayan Allahverdiyeva Vətənə qayıdıb.

"Report"un məlumatına görə, onu Heydər Əliyev Beynəlxalq Aeroportunda yaxınları, idman ictimaiyyətinin nümayəndələri, jurnalistlər qarşılayıblar.

Qeyd edək ki, A.Allahverdiyeva Montesilvano şəhərində 18 yaşadək şahmatçılar arasında keçirilən dünya çempionatında qızıl medal qazanıb. O, 11 oyunda 9,5 xal toplayaraq bütün rəqiblərini qabaqlayıb.

Yarışda 94 ölkədən 1 000-ə yaxın şahmatçı iştirak edib.