Dünya çempionatı: Azərbaycanın 3 yunan-Roma güləşçisi medal uğrunda görüşə çıxacaq

Azərbaycanın 3 yunan-Roma güləşçisi Bakıda təşkil olunan U-17 dünya çempionatında bu gün medallar uğrunda görüşlərə çıxacaqlar.

"Report" xəbər verir ki, dünən yarımfinalda uduzan Ömər Salmanovla (48 kq) Orxan Həbibli (65 kq) bürünc medal qazanmaq üçün mübarizə aparacaqlar.

İsfahan Həsənov (80 kq) isə mundialın qızıl medalına yiyələnmək şansına malikdir. O, finalda iranlı Alireza Rezayi ilə münasibətləri aydınlaşdıracaq.

Qeyd edək ki, yarış Milli Gimnastika Arenasında keçirilir. Mübarizəyə 60-dan çox ölkədən 700-ə yaxın yeniyetmə güləşçi qatılıb. Azərbaycanı mundialda 29 pəhləvan təmsil edir.