Azərbaycanın veteran cüdoçuları dünya çempionatının 2-ci günündə 7 medal qazanıb

Polşanın Krakov şəhərində keçirilən usta cüdoçular arasında sentyabrın 9-da dünya çempionatında M1 və M3 yaş kateqoriyaları üzrə qaliblər bəlli olub.

Azərbaycan Cüdo Federasiyasından “Report”a bildirilib ki, yarışın ikinci günündə M1 yaş kateqoriyası üzrə -73 kq çəkidə Nadir Babayev gümüş medal, -90 kq çəkidə Murad Rəcəbli gümüş medal, -100 kq çəkidə Tural Səfquliyev qızıl medal, +100 kq. çəkidə isə Qurban Məmmədli gümüş medal qazanıb.

M3 yaş kateqoriyasında yarışan idmançılarımız -73 kq çəkidə Rəşad Quliyev bürünc medal, -81 kq çəkidə Azər Fətullayev qızıl medal və Zülfüqar Hüseynov gümüş medal əldə edib.

Usta cüdoçularımız dünən ümumilikdə 2 qızıl, 4 gümüş və 1 bürünc medala sahib olub.