Körfəz ölkələri OPEC+un neft hasilatını azaltmaq qərarını dəstəkləyib

Küveyt, Bəhreyn, Oman və İraq OPEC+ sazişində iştirak edən ölkələrin neft hasilatını azaltmaq qərarını dəstəkləyiblər.

Bu barədə “Report” KUNA dövlət xəbər agentliyinə istinadən məlumat yayıb.

Küveyt Milli Neft Şirkətinin (KNPC) baş direktoru Şeyx Navaf Səud əl-Sabah dövlətin istehsalçılar və istehlakçılar arasında maraqlar balansını saxlamaq istəyini təsdiqləyib və birləşmə qərarını alqışlayıb.

İraqın dövlət neft şirkəti SOMO hesab edir ki, OPEC+un qərarları iqtisadi göstəricilərə əsaslanır və peşəkar, obyektiv və yekdilliklə qəbul edilir.

Omanın Enerji və Təbii Sərvətlər Nazirliyi bildirib ki, OPEC+un qərarları yalnız bazarda tələb və təklifin reallıqlarına əsaslanır.