“KazTransOil” Çinə tranzitlə 2,5 milyon tondan çox Rusiya nefti göndərib

Bu ilin birinci rübündə Qazaxıstanın magistral neft kəməri üzrə milli operatoru olan “KazTransOil” şirkəti Atasu-Alaşankou magistral neft kəməri ilə 2,507 milyon ton Rusiya neftini Çinə tranzit edib.

“Report” bu barədə şirkətə istinadən xəbər verir.

Qeyd edilib ki, 2023-cü ildə Rusiya neftinin Qazaxıstandan Çinə tranzitinin həcmi 9,989 milyon ton təşkil edib.

2014-2023-cü illərdə “KazTransOil” Çinə 91 milyon ton Rusiya neftinin tranzitini təmin edib.

Xatırladaq ki, “KazTransOil” Qazaxıstanla Rusiya arasında 2013-cü il dekabrın 24-də imzalanmış müqaviləsi əsasında 2014-cü ildən Rusiya neftini Qazaxıstan ərazisindən keçməklə Çinə tranzit edir.