Gürcüstanın neft bitumu idxalının 85 %-i Azərbaycanın payına düşüb

Bu ilin yanvar-fevral aylarında Gürcüstan Azərbaycandan 4,4 min ton neft bitumu idxal edib.

“Report”un yerli bürosu xəbər verir ki, bu barədə Gürcüstanın Neft Məhsulları İdxalçıları Birliyindən bildirilib.

Hesabat dövründə Azərbaycan qonşu ölkənin neft məhsuluna olan tələbatının 84,6 %-ni təmin edib.

Son iki ayda Gürcüstanın tədarük etdiyi neft bitumunun ümumi həcmi 5,2 min ton təşkil edib ki, bu da illik müqayisədə 2,5 min ton və yaxud 32,5 % azdır.

Birlikdən qeyd olunub ki, bitumun istehlakında azalmaya əsas səbəb COVID-19 pandemiyası və tətbiq edilən məhdudiyyətlər olub. Neft bitumunun idxalında azalma tendensiyası 2020-ci ildə də müşahidə edilib.