Gürcüstana aviasiya yanacağı idxalının 26 %-i Azərbaycanın payına düşür

Bu ilin yanvar-iyun aylarında Azərbaycan Gürcüstana 17,3 min tondan çox aviasiya yanacağı ixrac edib.

“Report” bu barədə Gürcüstan Neft Məhsulları İdxalatçıları Birliyinə istinadən xəbər verir. Bu, Gürcüstanın ümumi aviasiya yanacağı idxalının 25,8 %-ni təşkil edir.

Məlumata görə, 6 ayda Gürcüstanın ümumi aviasiya yanacağı idxalı 2022-ci ilin eyni dövrü ilə müqayisədə 0,7 % azalaraq 67,1 min tona düşüb.

Hesabat dövründə Gürcüstanın əsas aviasiya yanacağı tədarükçüsü Türkmənistan (29,6 min ton) olub. Onu Azərbaycan (17,3 min ton), Yunanıstan (10,3 min ton), Türkiyə (6 min ton) və Malta (3 min ton) izləyib.