Gürcüstan Azərbaycandan yanacaq və sürtkü yağı idxalına çəkdiyi xərci 23 %-dən çox artırıb

Bu ilin yanvar-sentyabr aylarında Gürcüstan Azərbaycandan 297,42 milyon ABŞ dolları dəyərində yanacaq və sürtkü yağı idxal edib.

"Report"un Gürcüstanın Milli Statistika İdarəsinin məlumatları əsasında apardığı hesablamalarına əsasən, bu, 2025-ci ilin eyni dövrünün göstəricisindən 23,2 % çoxdur.

Beləliklə, Azərbaycan Gürcüstana yanacaq və sürtkü yağı tədarük edən ölkələr sırasında 2-ci yerdə qərarlaşıb.

Təkcə sentyabrda isə Gürcüstan Azərbaycandan 36 milyon ABŞ dolları dəyərində yanacaq və sürtkü yağı alıb ki, bu da bir il əvvəlki göstəricidən 20 % çoxdur.

Bu ilin ilk 9 ayı ərzində Gürcüstan xarici ölkələrdən 2 milyard 277 milyon ABŞ dolları dəyərində yanacaq və sürtkü yağları alıb ki, bu da 1 il əvvəlki göstəricidən 69 % çoxdur.

Hesabat dövründə Gürcüstan Rusiyadan 818 milyon ABŞ dolları, Türkiyədən 231 milyon ABŞ dolları, Bolqarıstandan 171 milyon ABŞ dolları, Rumıniyadan 169 milyon ABŞ dolları dəyərində məhsul idxal edib.

Xatırladaq ki, 2025-ci ildə Gürcüstan xaricdən 1,6 milyard ABŞ dolları dəyərində yanacaq və sürtkü yağları alıb ki, bunun da 145 milyon ABŞ dolları Azərbaycanın payına düşüb.