“Azəriqaz”: “Bir aydan çox evdə olmayacaq abunəçi bizə məlumat verməlidir”

“Azərbaycanda bir aydan çox evdə olmayacaq abunəçi “Azəriqaz”a bu barədə məlumat verməlidir”.

“Report” xəbər verir ki, bunu Dövlət Neft Şirkətinin (SOCAR) “Azəriqaz” İstehsalat Birliyinin Hüquq Departamentinin rəisi Vüqar Eyvazov deyib.

O, bunu təhlükəsizliklə izah edib: “İkinci tərəfdən, abunəçi bə barədə xəbər verdikdə, qaz paylayıcısı da bu barədə məlumatlı olmuş olur. Bu da gələcəkdə istehlakçıya istifadə etmədiyi təbii qazla bağlı ona bildirişlər gəlməz və bu cür problem yaşamaz”.

O, abunəçilərdən bir daha xahiş edib ki, uzun müddət qazdan istifadə edilmədiyi halda, bu barədə qazpaylayıcıya məlumat versinlər.