"AzərEnerji" ixrac gəlirlərini 66 % artırıb

Bu ilin yanvar-avqust aylarında "AzərEnerji" ASC 8,3 milyon ABŞ dolları dəyərində ixrac gəliri əldə edib.

"Report" xəbər verir ki, bu barədə İqtisadi İslahatların Təhlili və Kommunikasiya Mərkəzinin "İxrac İcmalı"nın sentyabr sayında bildirilir.

Məlumata görə, bu, ötən ilin eyni dövrü ilə müqayisədə 3,3 milyon ABŞ dolları və yaxud 66 % çoxdur.

Qeyd edək ki, 8 ay ərzində Azərbaycanın qeyri-neft sektoru üzrə ixracı ötən ilin eyni dövrü ilə müqayisədə 17,6 % artaraq 2,8 milyard ABŞ dolları təşkil edib.