Azərbaycandan Gürcüstana qaz ixracı artıb

Bu ilin I yarısında Gürcüstan Azərbaycandan 192 milyon 080,069 min ABŞ dolları dəyərində 1,054 milyon kubmetr həcmində təbii qaz tədarük edib.

“Report”un yerli bürosu xəbər verir ki, bu barədə Gürcüstanın Milli Statistika İdarəsindən bildirilib.

Bu, dəyər ifadəsində 2021-ci ilin eyni dövrü ilə müqayisədə 1,78 dəfə, həcmi isə 1,42 dəfə artıb.

Hesabat dövründə qonşu ölkə Azərbaycandan ümumi dəyəri 48 milyon 496,37 min ABŞ dolları olan 56 min 854,3 ton neft və neft yağları da idxal edib ki, bu da ötən ilin eyni göstəricisindən müvafiq olaraq 0,18 % çoxdur və 41,14 % azdır.