Azərbaycan neft məhsullarının ixracından qazancını 2 dəfə artırıb

Bu ilin yanvar-may aylarında Azərbaycan gömrük bəyannamələrinə əsasən, 479 min 451,03 ton həcmində neft məhsulları ixrac edib.

“Report”un Dövlət Gömrük Komitəsinin statistikasına əsasən verdiyi xəbərə görə, bu həcmdə məhsulun dəyəri 284 milyon 470,39 min ABŞ dolları təşkil edib.

İxrac edilən neft məhsullarının həcmi 2022-ci ilin ilk 5 ayı ilə müqayisədə 1,95 dəfə, dəyəri isə 2 dəfə çoxdur.

Neft məhsullarının Azərbaycanın ümumi ixracında payı 1,76 % olub.

Qeyd edək ki, yanvar-may aylarında Azərbaycan xarici ölkələrlə 22 milyard 953 milyon ABŞ dolları dəyərində ticarət əməliyyatı aparıb. Ticarət dövriyyəsinin 16 milyard 114 milyon ABŞ dolları ixracın, 6 milyard 839 milyon ABŞ dolları isə idxalın payına düşüb.