Vuçiç ilin sonunadək ölkədə növbədənkənar seçkilər keçirməyi planlaşdırır

Serbiya Prezidenti Aleksandr Vuçiç bu ilin sonuna qədər ölkədə növbədənkənar parlament seçkiləri keçirməyi planlaşdırır.

"Report" xəbər verir ki, bu barədə PTC teleradio şirkəti məlumat yayıb.

"Formal və hüquqi baxımdan parlament seçkiləri ən tezi bu il mayın 31-nə, ən geci isə gələn il martın sonundan gec olmayaraq təyin edilə bilər. Əgər seçkilər gələn ilin martına təyin olunsaydı, onlar növbədənkənar yox, növbəti seçkilər olardı. Mən isə insanlara seçkiləri daha tez təyin edəcəyimi vəd etmişəm. Seçkilərin ilin sonuna qədər keçirilməsini təmin edəcəyəm", - o bildirib.