“Taliban” Əfqanıstanın 65 faizinə nəzarət edir

“Taliban” hərəkatı Əfqanıstan ərazisinin 65%-nə nəzarəti ələ keçirib, ABŞ və NATO qoşunlarının geri çəkilməsi ilə hökumət qüvvələri ciddi şəkildə zəifləyir.

“Report” xəbər verir ki, bu barədə Brüsseldə Avropa İttifaqı strukturlarının nümayəndəsi adının gizli qalmaq şərti ilə jurnalistlərə məlumat verib.

Onun sözlərinə görə, “Taliban”a müqavimət göstərmək vəzifəsi təxminən 75 min nəfərlik Əfqanıstan xüsusi qüvvələri tərəfindən həyata keçirilir. Bütün Əfqanıstan ordusunun sayı isə 180 min nəfəri keçib.

O qeyd edib ki, Qərb hərbçilərinin ölkədən çıxarılması Əfqanıstan silahlı qüvvələrinin imkanlarını əhəmiyyətli dərəcədə məhdudlaşdırıb.