Suriya Milli Dialoq Konqresinin keçiriləcəyi tarix açıqlanıb

Bakı. 22 dekabr. REPORT.AZ/ Suriya Milli Dialoq Konqresi 2018-ci il yanvarın 29-30-da Rusiyanın Soçi şəhərində keçiriləcək.

“Report” Türkiyənin NTV telekanalına istinadən xəbər verir ki, bunu Qazaxıstan Xarici İşlər Nazirliyindən bildiriblər.

Rusiya prezidentinin Suriya üzrə xüsusi nümayəndəsi Aleksandr Lavrentyevin sözlərinə görə, toplantıda iştirak edəcək heyətlərin müəyyənləşdirilməsi uzun vaxt aparacaq: “Buna üç həftə sərf ediləcək”.

Qeyd edək ki, Türkiyə terrorçu PKK-nın Suriyadakı YPG və PYD adlı qollarının, eyni zamanda onların yaratdığı qurumun həmin danışıqlarda iştirakına etiraz edir.

Ona görə də rəsmi Ankara Rusiyaya danışıqlarda iştirak edə biləcək kürd qruplarının siyahısını verib.