Serbiyada yanacağa tətbiq olunan aksiz vergisi azaldılıb

Serbiya hökuməti yanacağa tətbiq olunan aksiz vergisini 10 faiz azaldıb.

"Report"un Balkan bürosu xəbər verir ki, bu qərar iyulun 19-dək qüvvədə olacaq.

Qeyd edək ki, Serbiya hökuməti iyulun 13-dən 19-dək neft məhsullarına tətbiq olunan aksizlərin məbləğinin əlavə 5 faiz müvəqqəti azaldılması barədə qərar qəbul edib. Bununla da aksiz vergisində ümumi azalma 10 faiz təşkil edib.

Məlumata görə, müvəqqəti aksiz məbləğləri qurğuşunlu benzin üçün hər litr üzrə 68,90 dinar (0,67 ABŞ dolları), qurğuşunsuz benzin üçün 64,80 dinar (0.63$), dizel üçün isə 66,64 (0,65$) dinar təşkil edir.

Xatırladaq ki, Serbiyanın Maliyyə Nazirliyi bu barədə iyulun 9-da məlumat yayıb.