Ruandada daşqın nəticəsində ölənlərin sayı 120 nəfəri ötüb

Ruandada son günlər yağan leysan nəticəsində baş verən torpaq sürüşmələri və daşqınlar nəticəsində ölənlərin sayı 127 nəfərə çatıb.

"Report" bu barədə "The New Times" nəşrinə istinadən yazır.

Səlahiyyətlilər daha əvvəl 95 nəfərin öldüyünü bildiriblər.

Ruanda Prezidenti Paul Kaqame tviter səhifəsində bildirib ki, çoxlu evlər dağılıb, bir sıra magistral yollar daşqınlar səbəbindən bağlanıb.

Meteorologiya Xidməti yaxın günlərdə ölkənin böyük ərazilərində güclü yağışların davam edəcəyini proqnozlaşdırır.