Almaniyada təlim zamanı Niderlandın 1 əsgəri ölüb, daha 1-i yaralanıb

Nideerland ordusunun əsgəri Almaniyada təlim zamanı həlak olub.

"Report" xarici KİV-ə istinadən xəbər verir ki, bu barədə Niderlandın Müdafiə Nazirliyi məlumat yayıb.

Nazirlikdən bildirilib ki, o, xəstəxanaya çatdırılıb və orada dünyasını dəyişib.

Təlim vaxtı daha bir əsgərin yüngül yaralandığı deyilir.

Hadisə ilə bağlı Niderland Hərbi Polisi tərəfindən araşdırma aparılır. Hər iki əsgər Niderlandın Havelte şəhəri yaxınlığında yerləşən 43-cü Mexanikləşdirilmiş Briqadada xidmət edib.

Qeyd edək ki, təlim NATO komandanlığı tərəfindən Almaniya və Niderland hərbçiləri üçün keçirilir.