Makron meşə yanğınlarında göstərdiyi yardıma görə Türkiyəyə minnətdarlığını bildirib

Fransa Prezidenti Emmanuel Makron ölkədə baş verən meşə yanğınları ilə mübarizədə göstərdiyi yardıma, o cümlədən yanğınsöndürən təyyarələrin göndərilməsinə görə Türkiyəyə təşəkkür edib.

"Report" xəbər verir ki, bu barədə Makron "X" sosial şəbəkəsindəki səhifəsində yazıb.

"Təşəkkürlər, Türkiyə!", - o yazıb.

Fransada irimiqyaslı meşə yanğınları davam edir. Jironda departamentində yanğın artıq 42 min hektar ərazini əhatə edib. Fəlakət zonasından 220 min nəfər təxliyə edilib, 84 yanğınsöndürən xəsarət alıb.

Fransanın Baş naziri Sebastyen Lekornyu bildirib ki, ölkədə 13 566 yanğın ocağı qeydə alınıb, yanmış ərazilərin ümumi sahəsi isə 116 085 hektara çatıb.