Kolumbiyada partlayış nəticəsində 1 nəfər ölüb, 13 nəfər yaralanıb

Kolumbiyanın cənub-qərbindəki Kauca departamentinin El Bordo şəhərində baş verən partlayış nəticəsində azı bir nəfər ölüb, 13 nəfər yaralanıb.

"Report" xəbər verir ki, bu barədə "TeleSUR" telekanalı məlumat yayıb.

İlkin məlumatlara görə, hüquq-mühafizə orqanı əməkdaşları arasında 6 nəfər yaralı var.

Hazırda şəhərdə polis patrulları gücləndirilib, bir çox sakin evlərində qalıb. Səlahiyyətli orqanlar hadisəni araşdırır, indiyədək hadisədə qeyri-qanuni silahlı birləşmələrdən hər hansı birinin iştirakını müəyyən etmək mümkün olmayıb.