Kimya üzrə Nobel mükafatının laureatları məlum olub

Amerikalı fizik Con Qudenaf, ingilis kimyaçı Stenli Uittingem və yaponiyalı kimyaçı Akira Yosino litium-ion batareyalarının təkmilləşdirilməsinə dair tədqiqatlarına görə 2019-cu ilin kimya üzrə Nobel mükafatına layiq görülüblər.

“Report” bu barədə Nobel Komitəsinə istinadən xəbər verir.

Oktyabrın 10-da komitənin ədəbiyyat üzrə həm cari, həm də ötən ilin mükafatlarının sahibləri açıqlanacaq. Belə ki, ötən il bu sahə üzrə mükafat verilməyib.

Xatırladaq ki, Nobel mükafatları ənənəvi olaraq Alfred Nobelin vəfatı günü olan 10 dekabr tarixində təqdim olunacaq.