"JPost": Netanyahunun oğlu sui-qəsd təhlükəsinə görə təcili olaraq ABŞ-dən İsrailə təxliyə edilib

İsrailin Ümumi Təhlükəsizlik Xidməti (ÜTX) ehtimal edilən sui-qəsd təhlükəsi ilə əlaqədar baş nazir Benyamin Netanyahunun oğlu Yairi təcili ABŞ-dən çıxarıb.

"Report" bu barədə"The Jerusalem Post"a ("JPost") istinadən xəbər verir.

"Həqiqətən də, Yair Netanyahunun təhlükəsizliyinə ciddi təhdid olub və bunu nəzərə alaraq vəziyyətin qiymətləndirilməsinin yekunlarına əsasən, onu mühafizə əməkdaşları ilə birlikdə dərhal geri, İsrailə təxliyə etmək qərara alınıb", - nəşr ÜTX-nin rəsmi bəyanatından sitat gətirib.

Məlumatda qeyd olunub ki, Yair əşyalarını belə özü ilə götürmədən mühafizəçilərin müşayiəti ilə Floridadan gedib. O, hazırda İsraildədir.