İtaliyada narkotik alveri ilə məşğul olan dəstə üzvləri saxlanılıb

İtaliyanın hüquq-mühafizə orqanlarının əməkdaşları bazası Sava kommunasında, şəhər qəbiristanlığında yerləşən narkotik alverçilərindən ibarət qruplaşma üzvlərini həbs edib.

“Report” xəbər verir ki, bu barədə ANSA agentliyi məlumat yayıb.

Məlumata görə, əməliyyat zamanı 19 nəfər saxlanılıb.

Qeyd edilir ki, Sava kommunası qəbiristanlığında cinayətkarlar “qrupun tədarükçüləri və ticarətçiləri ilə görüşlərinin keçirildiyi logistik əməliyyatlar bazasını gözdən uzaq yerləşdiriblər”. Onlar həmçinin qəbiristanlıqda qazancları da bölüşdürüblər, narkotikləri qablaşdırıblar və silah saxlayıblar.

Boş məzardan müstəntiqlər üç tüfəng, tapança və patron aşkarlayıblar.