İsveçdə sosial-demokratlara yeni höküməti qurmaq üçün 5 gün vaxt verilib

İsveç parlamentinin sədri Andreas Norlen Sosial Demokratik İşçi Partiyasının lideri Maqdalena Andersona yeni hökuməti formalaşdırmaq üçün 5 gün vaxt verib.

"Report"un xəbərinə görə, bu barədə yerli mətbuat məlumat yayıb.

Spikerin sözlərinə görə, hazırda ölkənin 34-cü baş nazirinin seçilməsi prosesi gedir.

Norlen ümid edir ki, hökumətin formalaşdırılması tez baş tutacaq.

Qeyd edək ki, Stefan Löven noyabrın 10-da baş nazir vəzifəsindən azad edilib və hazırda keçid hökumətinə rəhbərlik edir.

Anderson seçiləcəyi təqdirdə İsveçdə bu vəzifədə ilk qadın ola bilər.