İraq İranla Fars körfəzi dövlətlərini barışdırmaq istəyir

İraq hakimiyyəti İran, İraq və Fars körfəzi ərəb dövlətləri arasında görüşlərin formatını bərpa etməyi təklif edib və belə bir görüşü Bağdadda keçirməyə hazır olduqlarını bildiriblər.

"Report" xəbər verir ki, İraqın xarici işlər naziri Fuad Hüseyn bunu iranlı həmkarı Abbas Əraqçi ilə görüşdən sonra açıqlayıb.

"Danışıqlar zamanı Fars körfəzi ölkələri, İraq və İran arasında görüşlərə qayıtmaq ideyasını irəli sürdük", - deyə o əlavə edib.

Hüseyn Bağdadın belə bir görüşə ev sahibliyi etməyə hazır olduğunu vurğulayıb. Nazir qeyd edib ki, İraqın ABŞ ilə əla münasibətləri var və buna görə də Bağdad həm Tehran, həm də Vaşinqton arasında müharibə vəziyyətinə son qoymağa kömək etməyə hazırdır.