İngiltərədə qatarın avtomobillə toqquşması nəticəsində ölən və yaralanan var

Qatar Lankaşir qraflığında (İngiltərənin şimal-qərbi) dəmir yolu keçidində avtomobillə toqquşub.

"Report" xəbər verir ki, bu barədə Böyük Britaniya nəqliyyat polisinə (BTP) istinadən yerli media məlumat yayıb.

"Maşında iki nəfər olub, bir nəfər hadisə yerində ölüb, uşaq isə həyatı üçün təhlükə yaradan ağır xəsarətlərlə xəstəxanaya çatdırılıb", - məlumatda bildirilib.

Qeyd olunub ki, hazırda qatar sərnişinləri arasında başqa zərərçəkənlər barədə məlumat daxil olmayıb.