Hindistanda yol-nəqliyyat hadisəsində 6 nəfər ölüb, 12 nəfər yaralanıb

Hindistanda elektrobusun digər nəqliyyat vasitələri ilə toqquşması və ətrafdakıların üzərinə keçməsi nəticəsində azı 6 nəfər ölüb, 12 nəfər yaralanıb.

“Report” NDTV kanalına istinadən xəbər verir ki, hadisə ölkənin Kanpur şəhərində baş verib.

Məlumata görə, elektrobusun həddindən artıq sürətlə hərəkət etməsi sürücünün idarəetməni itirməsi ilə nəticələnib. Beləliklə, elektrobus yoldan keçənlərə çırpılıb, həmçinin bir neçə avtomobil və motosikletlə toqquşub. O, yalnız yük maşınına dəydikdən sonra dayanıb.

Bildirilib ki, elektrobusun sürücüsü hadisə yerindən qaçıb. Polis onu axtarışa verib.