Hindistan ABŞ ilə neft-qaz ticarətini artıracaq

Hindistan ABŞ ilə neft-qaz ticarətini artıracaq.

"Report" xarici KİV-ə istinadən xəbər verir ki, bunu Hindistanın Baş naziri Narendra Modi ABŞ Prezidenti Donald Trampla danışıqlardan sonra deyib.

Modi bildirib ki, Hindistan enerji təhlükəsizliyini təmin etmək üçün ABŞ ilə neft-qaz ticarətini inkişaf etdirəcək.

Onun sözlərinə görə, enerji infrastrukturuna investisiyalar artacaq.

Modi qeyd edib ki, Trampla danışıqlar zamanı nüvə enerjisi sahəsində əməkdaşlığın dərinləşdirilməsi, xüsusilə kiçik nüvə reaktorlarının yaradılması da müzakirə olunub.

Bundan əlavə, Hindistanın Baş naziri iki ölkənin onlara qarşılıqlı fayda gətirəcək ticarət sazişinin bağlanması istiqamətində çalışacaqlarını vurğulayıb.