Fransada atışma olub, ölənlər var

Fransada silahlı insident olub.

Bu barədə “Report” BFMTV telekanalına istinadən xəbər verir.

Məlumata görə, hadisə ölkənin qərbindəki De-Sevr departamentinin Sen-Varan kommunasında qeydə alınıb. Belə ki, bir nəfər müəssisədə atəş açaraq üç insanı öldürüb, daha bir nəfəri yaralayıb.

Qeyd edilir ki, kişi işçi müşavirə zamanı zorla müəssisəyə soxulub. Bundan sonra o intihara cəhd göstərib.

Cinayətkarın şirkətin əməkdaşı olub-olmaması hələ məlum deyil. Şirkətin adı açıqlanmır, ancaq bildirilir ki, müəssisə mərmər hasilatı ilə məşğul olur.