Floridada AVM-də baş verən atışmada 2 nəfər ölüb, 2-si yaralanıb

Bakı. 10 oktyabr. REPORT.AZ/ ABŞ-ın Florida ştatında alış-veriş mərkəzində baş verən atışma nəticəsində azı 2 nəfər ölüb, 2-si də yaralanıb.

Bu barədə "Report" "The New York Times"a istinadən məlumat verir.

Bildirilir ki, hadisə bir qadının ailəsi ilə doğum gününü qeyd etdiyi anda baş verib. Həmin an naməlum şəxs onlara yaxınlaşıb və qadının ərinə və oğluna atəş açıb. Onların hər ikisi yerində ölüb.

Şahidlərin sözlərinə görə, ona yaxın atəş səsi eşidilib.