Fransadan Ermənistana saqqız qutusunda 900-ə yaxın narkotik həb göndərilib

Ermənistan gömrükçüləri Fransadan gələn poçt bağlamasında 900-ə yaxın narkotik həb aşkar ediblər.

“Report” xəbər verir ki, bu barədə Ermənistan Dövlət Gəlirləri Komitəsi məlumat yayıb.

Bildirilib ki, baxış zamanı saqqız qutularında 886 ədəd həb aşkarlanıb.

Narkotik vasitələrin qanunsuz dövriyyəsi ilə bağlı cinayət işi başlanılıb, Ermənistan vətəndaşları A.V. və oğlu N.V. məhkəmənin qərarı ilə saxlanılıb.

Onların mənzilinə baxış zamanı marixuana da tapılıb.