Danimarkanın baş naziri ABŞ-nin Qrenlandiyanı ələ keçirməyəcəyinə əmindir

"ABŞ Qrenlandiyanı ələ keçirməyəcək".

"Report" xəbər verir ki, bunu Danimarkanın baş naziri Mette Frederiksen adanın paytaxtı Nuukda keçirdiyi mətbuat konfransında deyib.

"Qrenlandiya buranın insanlarına məxsusdur və ABŞ Qrenlandiyanı almayacaq. Təbii ki, bu, hamımızın yaxın bir neçə gün ərzində birlikdə deyəcəyimiz şeydir", - deyə o qeyd edib.

Frederiksen aprelin 2-dən 4-dək Qrenlandiyada səfərdədir. O, martın 11-də keçirilən seçkilərdən sonra ilk dəfə adaya gəlib. Danimarka siyasətçisi Qrenlandiyada yeni baş nazir Yens-Frederik Nilsenlə danışıqlar aparacaq. Mette Frederiksen adanın gələcək Nazirlər Kabinetinin nümayəndələri ilə də görüşəcək.