Çində bir neçə generala qarşı antikorrupsiya araşdırması aparılır

Çin Xalq Azadlıq Ordusunun (ÇXAO) Raket Qüvvələrinin bir neçə generalına qarşı antikorrupsiya istintaqı aparılır.

“Report” xəbər verir ki, bu barədə yerli KİV məlumat yayıb.

Məlumata görə, ÇXAO-nun Raket Qüvvələrinin rəhbəri Li Yuyçao, həmçinin, onun keçmiş və indiki müavinləri – Çjan Çjençjun və Lyu Quanbin barəsində araşdırma aparılır.

İstintaqın səbəbi məlum deyil. Rəsmi qurumlar bu məlumatı təsdiqləməyib. Amma mətbuatda bu üç nəfərin artıq həbs olunduğu bildirilir. Araşdırmalar mart ayında müdafiə naziri Vey Fenhenin istefasından az sonra başlayıb.