Çin yeni rabitə peykləri qrupunu orbitə çıxarıb

Çinin "CAS Space" şirkəti "SpaceSail" rabitə peyklərinin 21-ci qrupunu uğurla orbitə çıxarıb.

"Report" "Sinxua" agentliyinə istinadən xəbər verir ki, buraxılış noyabrın 3-də Bakı vaxtı ilə saat 04:15-də Çinin şimal-qərbindəki Szyutsüan kosmodromunun "Dunfen" kommersiya meydançasından həyata keçirilib.

Kosmik aparatları orbitə çıxarmaq üçün "Kinetica-2" daşıyıcı raketindən istifadə edilib.

Çində "Tsyanfan" adı ilə tanınan "SpaceSail" peykləri aşağı Yer orbitində Ku, Q və V tezlik diapazonlarında fəaliyyət göstərir.

Kosmik aparatlar Şanxay hökumətinin dəstəyi ilə "Shanghai Spacesail Technologies" şirkəti tərəfindən inkişaf etdirilən G60 peyk qruplaşmasının tərkibinə daxildir.