Çikaqoda kriminal qruplaşmalar arasında atışma olub, 5 nəfər ölüb

Bakı. 6 avqust. REPORT.AZ/ ABŞ-ın Çikaqo şəhərində kriminal qruplaşmalar arasında avqustun 5-də baş verən silahlı qarşıdurmalar nəticəsində azı 5 nəfər ölüb, təqribən, 40 nəfər yaralanıb.

"Report" "İnterfaks"a istinadən xəbər verir ki, bu barədə şəhər polisinin rəisi Fred Uoller mətbuat konfransında bildirib.

"Çikaqoda zorakılıq gecəsi yaşanıb. Şəhərimizin küçələrində təsadüfi və ya məqsədli atışmalar yolverilməzdir", - o deyib.

Yerli KİV-in yazdığına görə, yalnız 3 saat ərzində şəhərin 10 müxtəlif yerində atışmalar olub.