CENTCOM ABŞ helikopterinin qəzaya uğraması və pilotların xilası barədə məlumat yayıb

ABŞ-nin Hörmüz boğazı yaxınlığında qəzaya uğrayan "AH-64 Apache" zərbə helikopterinin iki pilotunun xilas edilməsi üzrə əməliyyat dəniz dronunun köməyi ilə həyata keçirilib.

"Report" xəbər verir ki, bu barədə ABŞ Silahlı Qüvvələrinin Mərkəzi Komandanlığından (CENTCOM) bildirilib.

Qeyd edilib ki, əməliyyat iki saat davam edib.

"Hadisə zamanı helikopter regional sularda patrul xidməti həyata keçirirdi. Hadisənin səbəbləri araşdırılır", - komandanlıqdan əlavə ediblər.

ABŞ Prezidenti Donald Tramp daha əvvəl bildirmişdi ki, ABŞ iyunun 10-da helikopterin qəzaya uğraması ilə bağlı hesabatı açıqlayacaq.