Bir sıra ölkələr ABŞ-İran danışıqlarına ev sahibliyi etməyi təklif edir

Bir sıra Avropa ölkələri, Türkiyə və Oman ABŞ və İran arasında danışıqların bərpa olunacağı təqdirdə onların öz ərazilərində keçirilməsini təklif edib.

"Report" xəbər verir ki, bu barədə "CBS News" mənbələrə istinadən məlumat yayıb.

"Türkiyə və Oman, İtaliya və Norveç Tehranın belə bir yol seçəcəyi təqdirdə ABŞ və İran arasında birbaşa və ya dolayısı ilə danışıqlara öz ərazilərində ev sahibliyi etməyin tərəfdarı olduqlarını bildiriblər", - mənbələr bildirib.

Onların sözlərinə görə, İsrailin İrana qarşı hücumları fonunda İran hakimiyyətinin nümayəndələri ilə əlaqə saxlamaq daha çətin olub.