Bayden Rusiyanı Şərqi Avropaya qoşun göndərməklə hədələyib

ABŞ Prezidenti Cozef Bayden Rusiyanın Ukraynaya hərbi müdaxiləsi halında Şərqi Avropadakı NATO ölkələrinə əlavə qüvvələr göndərəcək.

“Report” xəbər verir ki, bu barədə Ağ Evin saytında məlumat verilib.

Amerika lideri bunun baş verəcəyi təqdirdə rəsmi Moskvaya qarşı daha sərt iqtisadi sanksiyaların tətbiq ediləcəyi ilə bağlı Rusiya Prezidenti Vladmir Putinə aydın mesaj verdiyini bildirib.

C.Bayden əmindir ki, bu cür addımlar təkcə Moskvaya təsir etməyəcək, həm də digər ölkələrin ona münasibətini dəyişəcək.