Avropa Komissiyası və Ukrayna Kiyevin müdafiə sənayesi proqramlarına qoşulmasına dair saziş imzalayıb

Avropa Komissiyası Ukrayna ilə müdafiə sənayesinin iki proqramına qoşulmaq barədə saziş imzalayıb.

"Report" xəbər verir ki, bu barədə Avropa Komissiyasının müdafiə və kosmos məsələləri üzrə komissarı Andryus Kubilyus özünün "X" sosial şəbəkəsindəki hesabında paylaşım edib.

"Ukraynanın müdafiə naziri Mixail Fyodorovla birlikdə biz Ukraynanın Avropa İttifaqının müdafiə sənayesinin iki əsas proqramına - Avropa Müdafiə Fonduna (EDF) və Avropa Müdafiə Sənayesi Proqramı çərçivəsində Ukraynaya dəstək alətinə (EDIP/USI) qoşulmasına dair sazişlər imzaladıq. Ukrayna bizim siyasətimizin bir hissəsinə çevrilir. İnteqrasiya davam edir!", - A.Kubilyus yazıb.

Joint defence projects are helping speedy integration of Ukraine into the EU.

With @FedorovMykhailo we signed agreements to associate 🇺🇦 with two key 🇪🇺defence industry programs - EDF & EDIP/USI.

UA is becoming part of our 🇪🇺 policies & instruments. Integration in progress! pic.twitter.com/Jn8LN4jfcY

— Andrius Kubilius (@KubiliusA) July 14, 2026