ABŞ-da koronavirusa yoluxanlar artır

Digər ölkələr

14 fevral, 2020
03:45

Report.az-ı Google seçilmiş mənbələrinə əlavə edin

Yeniliklərdən dərhal xəbərdar olun!

Çinin Uhan şəhərindən təxliyə edilmiş Amerika vətəndaşları arasında koronavirusa 15-ci yoluxma hadisəsi qeydə alınıb.

Bu barədə “Report” RİA “Novosti” agentliyinə istinadən xəbər verir.

Ölkənin Xəstəliklərin Profilaktikası və Nəzarət üzrə Mərkəzinin məlumatına görə, pasiyent fevralın 7-dən Uhandan təxliyə edilib və Texasda hərbi bazada karantində olub. O, hazırda ətraf aləmdən təcrid edilib və hospitalda tibbi yardım alır.

"ABŞ-da da COVID-19 xəstəliyinə yoluxma hallarının ümumi sayı 15-ə çatdı. Ehtimal ki, yaxın günlərdə və həftələrdə Uhandan qayıdan həmçinin başqa insanlar arasında yeni yoluxma halları qeydə alınacaq", - mərkəzin yaydığı xəbərdə deyilir.

Qeyd edilir ki, karantində 600-dən çox insan var.