Patrik Lau: Bakı gözəl şəhər landşaftına malikdir

Bakı öz gözəl və davamlı şəhər landşaftı ilə çox güclü təəssürat yaradır.

"Report"un məlumatına görə, bunu Asiya Yaşayış Mühiti Cəmiyyətinin sədri Patrik Lau Bakıda WUF13 çərçivəsində keçirilən tədbirdə bildirib.

"Mən xüsusilə Bakının gözəl şəhər landşaftından təsirlənmişəm. O, çox, çox gözəl və davamlıdır və bizə çox yaxşı təəssürat bağışlayır", - o deyib.

O vurğulayıb ki, müasir şəraitdə landşaft layihələndirməsi dekorativ tərtibat elementi deyil, şəhərin əsas infrastrukturuna çevrilir.

"İqlim dəyişikliyi şəraitində landşaftların, o cümlədən onların iqlim və karbon funksiyasının əhəmiyyəti artır ki, bu da şəhər planlaşdırılmasına yeni tələblər formalaşdırır", - o qeyd edib.