MSK prezidentliyə namizədliyi irəli sürülən Tural Abbaslının səlahiyyətli nümayəndəsini qeydə alıb

Bakı. 2 mart. REPORT.AZ/ Mərkəzi Seçki Komissiyasının (MSK) bu gün keçirilən iclasında prezident seçkilərində namizədliyini öz təşəbbüsü ilə irəli sürən Tural Abbaslının səlahiyyətli nümayəndəsi Şamil Beydullayevin qeydə alınması məsələsinə baxılıb.“Report”un xəbərinə görə, MSK Katibi Arifə Muxtarova deyib ki, Ş.Beydullayevin T.Abbaslının səlahiyyətli nümayəndəsi kimi qeydə alınması üçün MSK-ya müraciət edilib.

Nümayəndənin qeydə alınması səsverməyə çıxarılaraq qəbul edilib.

Qeyd edək ki, Azərbaycanda prezident seçkiləri aprelin 11-nə təyin olunub.