Braziliyalı müşahidəçi: “Heç bir neqativ halla rastlaşmadım”

"Bu gün Azərbaycanda seçki prosesi tam şəffaf şəkildə keçdi və Azərbaycanda demokratiyanın şahidi olduğum üçün çox məmnunam".

"Report" xəbər verir ki, bunu parlament seçkilərini izləmək üçün Azərbaycana səfər edən beynəlxalq müşahidəçi, Azərbaycan-Braziliya dostluq qrupunun rəhbəri Claudio Cajado keçirdiyi mətbuat konfransında deyib.

O, paytaxtın Binəqədi və Qaradağ rayonlarındakı seçki məntəqələrində müşahidələr apardığını bildirib: "Mən hətta gün əzində rəqib namizədlərlə həmsöhbət oldum. Ümumilikdə deyə bilərəm ki, heç bir neqativ halla rastlaşmadım".