Baş prokuror sabiq məmurların müsadirə olunan əmlaklarının geri qaytarılmasına münasibət bildirib

Baş prokuror Kamran Əliyev yüksəkvəzifəli şəxslərin müsadirə olunmuş əmlaklarının geri qaytarılmasına münasibət bildirib.

"Report"un məlumatına görə, o, bu barədə “Real TV”yə müsahibəsində danışıb.

Kamran Əliyevə ünvanlanan sual zamanı konkret ad çəkilməsə də, Baş prokuror qətiyyətli danışıb. O bildirib ki, bütün bu məsələlər Prokurorluq tərəfindən diqqətlə öyrənilir.

K.Əliyevin sözlərinə görə, bununla bağlı zəruri tədbirlərin görülməsi, yəni, Prokurorluq tərəfindən protestlərin verilməsi nəzərdən keçirilir.

Qeyd edək ki, bəzi sabiq məmurların cinayət işi ilə bağlı müsadirə olunmuş əmlaklarının geri qaytarılması cəmiyyətdə müzakirələrə səbəb olub.