“Sotheby's” hərrac evində dünyanın ən nəhəng mavi almazı satılıb

“Sotheby's” hərrac evinin Honq Konq filialında keçirilən hərracda 15,10 karatlıq “De Beers Cullinan Blue” adlı nəhəng mavi almaz 57,5 ​​milyon ABŞ dollara satılıb.

“Report” xarici mətbuata istinadən xəbər verir ki, hərrac 8 dəqiqə davam edib və mavi almazı almaq üçün 4 alıcı qızğın mübarizə aparıb.

Xatırladaq ki, ötən il Cənubi Afrikadakı Cullinan mədənində tapılan və çox nadir elan edilən qiymətli daşın rənginin də çox nadir olduğu bildirilir.

“Sotheby's”in tarixində sadəcə 10 karatdan yuxarı cəmi 5 almazın satıldığını və heç birinin 15 karatı keçmədiyini bildirib.