Səfir: "Azərbaycan və Kolumbiya şirkətləri arasında əməkdaşlığı dəstəkləməyə hazırıq"

"Səfirlik Azərbaycan və Kolumbiya şirkətləri arasında əməkdaşlığı dəstəkləməyə hazırdır".

“Report” xəbər verir ki, bunu Kolumbiyanın Azərbaycandakı səfiri Luis Antonio Dimate Kardenas Azərbaycanın iş adamları ilə görüşü zamanı bildirib.

Görüş zamanı gül biznesinin inkişafı və Kolumbiyadan Azərbaycana gül tədarükünün artırılması imkanları qiymətləndirilib.

Qeyd olunub ki, pandemiyaya baxmayaraq, gül sektoru sabitliyini itirməyib və yaxşı inkişaf perspektivlərinə malikdir. Bu isə Azərbaycan şirkətləri ilə kolumbiyalı istehsalçılar arasında daha sıx kommersiya əməkdaşlığını stimullaşdırır.