Gürcüstanın avtomobil ixracının 57%-i Azərbaycanın payına düşüb

Bu ilin yanvar-noyabr aylarında Gürcüstandan ixrac olunan minik avtomobillərinin ümumi sayı 37 019 ədəd təşkil edib.

“Report”un yerli bürosu xəbər verir ki, bu barədə ölkənin Milli Statistika İdarəsindən bildirilib.

Məlumata əsasən, ixracın 57%-i Azərbaycana yönəlib. Bu göstərici ilə Azərbaycan Gürcüstanın bir nömrəli avtomobil idxalçısı olub.

Hesabat dövründə minik avtomobili ümumi ixracda 12,1%-lə qonşu ölkənin ikinci əsas ixrac məhsulu olub. Son bir ildə bu məhsulun ixracı 42,5% azalıb.